Me so imbarcà
na notte de tempesta in riva al mar
e so scampà
da sta miseria che ne fa morir
E no go niente
soltanto ea speransa
de trovar
un fià de dignità

Tra oci tristi
paura de negarse
spetando che na nave
ea vegna a salvarne
E passa i giorni
e a voja de resister
ma quando sembra tardi
el incubo finisse

Mi so el clandestin
assime trovar el me destin

Casca na agrima
per queo ghe go assà
anca se go promesso
che un giorno tornarò
E so contento
perchè mi vardo avanti
e certamente
qualchedun me aiutarà

Na nova vita
sicuro me farò
e na famegia
co fioi perchè no
e se per caso
me vansa qualche scheo
a chi xe restà a casa
gheo mandarò

Mi so el clandestin
assime trovar el me destin

Ormai xe già passa do ani
e forse più
el sogno che gavevo
eo go desmentegà
No go famegia
e no go schei
se neanca un posto
de lavoro go trovà

Sempre più granda
xe ea voja de tornar
dove so nato
dove trovo calor
E no xe fassie
far parte de na tera
se xe sta tera
che a fine no te vol