Ghe voria più rispeto
e un fià de stima e toleranza
no digo bon-ton
ma considerasion
par ogni opinion
e dir ’na parola bona a tuti quanti
però però
ma chissà perchè
no se fa

Viver co più riguardo
co un poco più de sentimento
e far più attension
più precausion
per la situasion
cercar de andarghe incontro a tuti quanti
però però
ma chissà perchè
no se fa

Come dixe quel deto
porta sempre rispetto e cussì farò
Come dixe quel deto
porta sempre rispetto e cussì farò

Ghe voria più rispeto
e basta viver de sospeti
ma senza opinion
ne fa confusion
e sta television
xe proprio quela che manca de rispeto
però però
ma chissà perchè
questo se sa