Capita spesso
che verso mexogiorno
me vegna voja
de andar a far un salto in bar

Coi me amighi
mi go apuntamento
e xe el momento
che se bevemo un spriss

Che beo fresco
che xe sto aperitivo
no ti te acorxi neanca de mandarlo xo

E intanto
ti magni anca na oiva
e na patata frita
che tuti gà tocà

Ti tachi bever prima de mexogiorno
ora de sera ti xe già sciopà
bevi de manco che ti xe ancora in tempo
che el fegato ti tà quasi ciavà

El primo giro
de spriss xe già pagà
el prossimo che femo assa star che eo pago mi

Che ben che stago
co tuta sta alegria
me gira un poco ea testa
ma dopo passarà

Andemo in strada
perchè cussì se usa
ma no ti o vedi
anca nea publicità

E bevo ancora
so quasi imbriago
no vedo l'ora de 'ndar casa a dormir

Ti tachi bever prima de mexogiorno
ora de sera ti xe già sciopà
bevi de manco che ti xe ancora in tempo
che el fegato ti tà quasi ciavà