Ghe gera secoi fa na dona tanto bea, e a se ciamava stea
e tute e matine col primo sol ea vardava el mar
el so amor più grando gera proprio un pescaor
che sempre ea ghe portava i fruti del so mar
spetando de sposarla la basava de scondon
el ghe insegnava e reti da tirar

Stea bea, no so dove te go trovà
Stea, stea del mar el mondo ti fa inamorar
el pescaor ne a so barcheta pensa che la sposarà
pensa a ea so bea ea so bea in mexo al mar

Ma i bocoeti biondi de sta bea anca el grande Doge fa sognar
cussì el se informa coe so spie se sta gran belessa ea pol rivar
fidando nea so forza e nea so maestà
gran doni da l’oriente a Stea el fa portar
ma visto che co i ninoli a gnente el xe rivà
geloso el pescaor el fa negar

Stea bea, no so dove te go trovà
Stea, stea del mar el mondo ti fa inamorar
el pescaor ne a so barcheta pensa che la sposarà
pensa a ea so bea ea so bea in mexo al mar

E Stea core in porto, insieme ai pescaori, el suo no xe tornà
nissun la varda in facia, nissun gà più coragio de parlar
i tenta de calmarla, de farla ragionar
ma el viso xe de piera, e man xe frede già
cussì a cascava in acqua e el Signor pien de pietà
le la gà trasformada in stea del mar